SP James Mugisha yavuze ko icyamujyanye kuri gereza ya Huye azahava ari uko akirangije!…Mu mwaka ushize wa 2018 Mutarama, Gashyantare na Werurwe hapfuye abafungwa 25. Mu mpera zawo Ukuboza 2018, Mutarama – Gashyantare 2019 hapfuye abafungwa 86 ! Ni iki kihishe inyuma kandi kiri gutera izi imfu?
Bigenda birushaho kugaragarira buri wes ufite ubwenge cyangwa se ushaka kwitegereza no kumenya ukuri ko Leta ya FPR-Inkotanyi ifite umugambi wo kumara abanyarwanda ituyumvamo. By’umwihariko bizwi neza ko uwo inaniwe kwica imucira ishyanga cyangwa muri gereza,noneho igasigara yiga uburyo izamukurikirana aho aba yagiye! Ikindi iyo ugeze kuri gereza cyangwa muri gereza nibwo ubona umugambi wa FPR-Inkotanyi.
Ibyaha byinshi bifunze abantu kugeza ubu ni ibyatewe na politiki mbi ya FPR-Inkotanyi kandi abafunzwe ni abananiwe kugendana n’iyo politike ndetse n’abo ubutegetsi butifuza mu gihugu. Usanga kubagirira nabi bisa n’aho biri mu nshingano z’ubuyobozi bw’amagereza mu Rwanda, kuko abafungwa,imiryango yabo itangazamakuri rimwe na rimwe n’imiryanko yubahiriza uburenganzira bwa muntu, bikora uko bishoboye byerekana iitagenda ngo wenda byakosorwa ariko nta gihinduka ahubwo birushaho gufata indi ntera,abayobozi b’amagereza bakajya kwigamba ku banyururu no kubannyega bababwira amagambo y’ubwishongozi
Mu iperereza twakoze kuri Gereza ya Huye,twasanze umuyobozi w’iyo gereza James MUGISHA yaravugiye imbere y’abacungagereza n’imbere y’abafungwa mu bihe bitandukanye ko icyamuzanye kuri iyo gereza azahava ari uko akirangije! Uwo mugabo yishe n’amaboko ye abafungwa 2 bari bagerageje gutoroka bagafatwa bakagarurwa ari bazima. Kuba ntawamubajije abo bantu ni ikimenyetso ko afite ububasha akura ahandi hantu
Ubwo umuyobozi we Komiseri mukuru w’urwego rw’amagereza mu Rwanda RWIGAMBA George yajyaga mu nama muri iyo gereza,inama yakurikiye iraswa rya bariya bantu, aho kugira ngo ahane abishe abo bantu cyangwa se nibura ngo yihanganishe abasigaye anabagire inama, yavugiye imbere yabo ko “Leta ifata gereza ya Huye nka Adui ( umwanzi )”
Mu iperereza twakoze twasanze ibyo aba bayobozi bakora bidatandukanye n’ibikorerwa ku yandi magereza biri mu mugambi mugari kandi wateguwe neza. Ku magereza ubu hari kugenda hashyirwaho uburyo bwo gukumira buhoro buhora imiryango yasuraga abantu babo ku magereza,kubafungira Canteen bashoboraga kuguriramo ibibunganira bitaboneka mu ifunguro rya gereza,ggutubya igaburo bahabwa no kubaha ibyangiritse,kutabaha ubuvuzi bwuzuye no kubahoza ku nkeke.
Ibyo tukaba twarasanze byaratangiye gufata indi ntera mu mezi 6 ashize,bikaba binasobanura imfu z’abafungwa zahise ziyongera nku
‘uko wabyibonera aha ngaha:
| Ukwezi | Umubara w’abapfuye |
| Mutarama 2018 | 2 |
| Gashyantare 2018 | 10 |
| Werurwe 2018 | 13 |
| Mata 2018 | 8 |
| Gicurasi 2018 | 11 |
| Kamena 2018 | 13 |
| Nyakanga 2018 | 12 |
| Kanama 2018 | 14 |
| Nzeri 2018 | 8 |
| Ukwakira 2018 | 6 |
| Ugushyingo | 12 |
| Ukuboza 2018 | 22 |
| Mutarama 2019 | 28 |
| Gashyantare 2019 | 36 |
Uku kwezi kwa kabiri 2019 kwahitanye benshi kuburyo batinye no gutanga amatangazo kuri radiyo batangira kujya bagerageza guhamagara imiryango kuri telephone. Mu iperereza ryacu twabashije kubona n’imyirondoro y’abapfuye. Kugira ngo turebe ko baba nibura ari abageza mu zabukuru! Reka ducishe amaso mu bahitanywe n’uku kwezi kwa 2:
| Amazina | yavutse | Se | Nyina | Umurenge/Akarere |
| 1. Buragiye François | 1951 | Nirere | Nyirabatanyurwa | Nyarusange Muhanga |
| 2. Gahigiro Alex | 1964 | Bushishi | Bapfakurera | Gishamvu Huye |
| 3. Gatete Alphonse | 1969 | Abiyingoma | M.Ndamutsa | Mushubati Muhanga |
| 4.Havugimana Evariste | 1985 | Nikombabonye | M.nkusi | Gihango Rutsiro |
| 5. Hitimana Emmanuel | 1950 | Ntwari | N.habiyambere | Kinazi Ruhango |
| 6. Hitumukiza Emmanuel | 1976 | Kanyarwanda | M.mpagaze | Runda Kamonyi |
| 7. Kabera Célestin | 1939 | Urimubenshi | N.bikari | Nyarusange Muhanga |
| 8. Kagaba Emmanuel | 1936 | Rukaburanti | N.mashi | Mugano Nyamagabe |
| 9. Kamonyo Marc | 1986 | Kabari | Mukasine | Bweramana Ruhango |
| 10. Kanyenzi Jean | 1938 | rwaganangabo | N.habimana | Musange Nyamagabe |
| 11. Karangwa Laurent | 1960 | Ugirashebuja | N.ngirirayombonye | Mugano Nyamagabe |
| 12. Karemera Louis | 1942 | segacuzi | Nyirakamondo | Ndora Gisagara |
| 13. Mbarubukeye Venuste | 1977 | Ndabakuranye | uwizeyimana | Tare Nyamagabe |
| 14. Mbuguje Jean | 1933 | Segatwa | N.mpirwa | Kigembe Gisagara |
| 15. Minani Gaspard | 1955 | Nyakabwa | Nibigore | Maraba Huye |
| 16. Minani Sylvère | 1943 | Kibwa | M.rwego | Kigembe Gisagara |
| 17.Munyenkwaya Israël | 1935 | Habuhazi | N.huku | Gasaka Nyamagabe |
| 18.Munyaneza Célestin | 1989 | Sekimonyo | Kubwimana | Mikindo Gisagara |
| 19.Murego Joseph | 1983 | Kamonyo | Mutungirehe | Ngamba Kamonyi |
| 20.Mushimiyimana Callixte | 1978 | Ndikuryayo | N.mbirigi | Kamegeri Nyamagabe |
| 21.Ndahimana Godefrey | 1968 | Kamandwa | Bazarama | Kamegeri Nyamagabe |
| 22.Ndayisenga J. de Dieu | 1987 | Minani | Nyiramana | Rusatira Huye |
| 23. Ndekezi Aaron | 1931 | Munyanshongore | Kamatamu | Kinazi Huye |
| 24.Ngendahimana Adrien | 1982 | Nzaramba | N.garuka | Karama Huye |
| 25.Ntibisasirwa Joseph | 1955 | Hakuzumwami | N.bazungu | Tumba Huye |
| 26.Ntirushwamaboko Pierre | 1954 | Kajuga | N.mpumbya | Mukindo Gisagara |
| 27.Nyirimbabazi Athanase | 1963 | Ayabatwa | M.nazi | Ndora Gisagara |
| 28.Nzeyimana Alexis | 1966 | Gakumba | N.sangwa | Rwaniro Huye |
| 29.Rucyahana Gershon | 1995 | Rusatsi | N.mugenge | Ntyazo Nyanza |
| 30. Ruhamya Anastase | 1965 | Sebera | M.gakwandi | Kibirizi Nyanza |
| 31. Rurinda Faustin | 1969 | Sebuzayire | N.bavakure | Mamba Gisagara |
| 32.Rwabarinda Xavier | 1958 | Mbonyumuvunyi | N.bagiruwigize | Kibumwe Nyamagabe |
| 33.Rwibishaka Emmanuel | 1946 | Kajeguhakwa | M.karamira | Gahanga Kicukiro |
| 34. Sibomana Célestin | 1989 | Sibomana | M.rusagara | Mbuye Ruhango |
| 35.Sinamenye Esdras | 1965 | Ngeze | Ntahondi | Ndora Gisagara |
| 36.Sindayigaya Zabuloni | 1955 | Kanyana | N.fashaho | Mbuye Ruhango |
MBESE HABA HARATEYE ICYOREZO MURI GEREZA YA HUYE?
Igisubizo ni ashwi!
Mu minsi ishize Urwego rw’igihugu rushinzwe imfungwa n’abagororwa RCS rwateje ubwega ko mu magereza hateye icyorezo cy’Iseru. Mu ikurikirana twasanze ahubwo yari amayeri yo gushaka uko bakumira imiryango isura abo bafungwa bitwaje ko bashobora kwandura iyo ndwara ubundi imenyerewe mu bana bato,kandi ikaba yari yarahashyijwe mu Rwanda ku buryo budasubirwaho.
Niko byagenze kuko byabaye nko gushyira abafungwa mu kato maze abasanzwe batabasha impungure zigenwa na Leta baba ababifitiye ibyemezo n’abatabifite,baragenda bakoranirwaho na za ndwara bajyaga batinanya n’izindi ziratongora.
Ahubwo twaje gusanga harateye icyorerezo cy’inzara kandi nabwo bikagaragara ko bisa n’ibyateguwe kuko n’ibyo bigori n’ibishyimbo bahabwa rimwe ku munsi nabyo bakata hakabageraho ingerere!
Mu gukurikirana twasanze ibishyimbo n’ amavuta aribyo bigavurwa ku buryo bukabije. Ijisho ry’abaryankuna ryateye imboni umucungagereza witwa Vincent MUHIRE wungirije ushinzwe ibya logistique , aka yiba akagira icyo agenera abamukuriye uhereye ku muyobozi mukuru ari we MUGISHA James.
Usibye kurigisa ibyageze mu bubiko bwa Gereza, twasanze hari uko bavugana n’umushoramari ufite isoko ryo kugemurira gereza,akagenda akararuza ibyo abonye yarangiza akabizana nabo bagategeka abafungwa kubyakira kabone n’aho biba byaraboze. Babirira umushoramari maze bagakuramo ayabo,abarwara bakarwa! Ngicyo kimwe mubizamura imibare y’abapfa umusubizo!
Kimwe mu cyatumye dutangiza iperereza kuri iyi gereza ni agahinda abayigemuragaho bafite abarwayi bagemura bakoresheje ibibari bagarukanaga. Iteka ryose bagarukanaga kimwe mucyo bagemuye. Niba hagemuwe umuceri n’uburisho,hakinjira kimwe ikindi kigasubira mu rugo. Ubwo bwari uburyo bwo guca integer abagemura no gukura umutima abagemurirwa. Ugasanga bose bafite ihungabana ari uwagemuye n’uwagemuriwe!
Twumvise n’ikindi kibazo cy’abasigira amafaranga abantu babo muri Service Social ya Gereza ngo bazabashe kugira icyo bahaha muri Canteen , Gereza ikagenda ibangira guhaha , bikaza kurangira benshi mu basigiweyo ayo mafaranga bayabuze! Mu gucukumbura twasanze Ukuriye iyo service Vincent NSENGIMANA yarifashishije umufungwa yakoreshaga muri ako kazi witwa RUSHEMA Anastase maze barigisa amafaranga atagira ingano,maze bakabemeza ko bayahahishije byarangiye!
- Uku guhimba indwara itabayeho ngo ni icyorezo twasanze yari imitwe yo gusobanura imfu bateganyaga ko zishobora kuba nyinshi.
- Uku gucunaguza abagemura ni uburyo bwo kubazinura gukomeza gusiragira ku bantu babo no kubahungabanya mu bwonko kugira ngo habeho ubwihe bityo bitebutse urupfu cyane cyane ku bafunze.
- Uku kugabanya ibiribwa no kubagaburira ibitujuje ubuziranenge bizira inyunganizi iturutse imuhira nabyo ni ugukora ibishoboka byose ngo umubiri ucike integer indwara ziwushoke.
- Uku kwimika inkoni ni iterabwoba kugira ngo abantu babe ibikange basigare bahebe urwaje
- Kutagira ubuvuzi buhagije n’ibindi …
Ibi byose byerekana ku buryo budasubirwaho ko hariho umugambi wo gutsinda abantu mu bihome,dore ko hari hashize igihe gito Guverinoma ibinyujije muri Minisiteri y’Ubutabera yumvikanishije ko ari bagiye gutangira uburyo bwo bwo kugabanya gufunga ahubwo abantu bakajya bigura,ariko bikaba bigaragara ko ahubwo wagira ngo bavugaga ko gereza bagiye kuzifiningiza!
Ni hatagira igikorwa, ubutegetsi bwa FPR buraza kumara abantu!
Emmanuel NYEMAZI
Intara y’Amajyepfo.