Abaturage bo mu Murenge wa Nyakariro, mu Karere ka Rwamagana kuri uyu wa mbere taliki ya 21 Ukuboza 2020 nyuma yaho bagiye kubikuza amafaranga yabo bagacunaguzwa ndetse bagakangishwa inkoni, bahise babona ko ishyamba atari ryeru barigaragambya cyera kabaye bahabwa amafaranga yabo.
Ibi bije nyuma yaho aba baturage b’agize rimwe mu matsinda y’abanyamuryango b’iyi SACCO ya Nyakariro agashami ka Rugende bari bamaze iminsi babeshywabeshywa umunsi wo kuza gufata amafaranga amaso agahera mu kirere,ibi bikaba byarabateye guhita bahagurukira hamwe bagafata umwanzuro wo kuryoza SACCO amafaranga yabo bubi na bwiza nayo ikirukira kuri Banki ya Kigali dusanzwe tuziko ifatanya na FPR kunyunyuza imitsi y’abaturage.
Ujya kuvuga aba atarabona FPR isanzwe yima abaturage serivisi bishyuye itangiye no kubima ayo bizigamiye !Nyamara iyo ibakangurira kwizigama ikagera naho ibigira itegeko ikabategera ku myaka yabo bihingiye n’umushahara uva mu biraka bakora hirya no hino ubonako hari ikibyihishe inyuma nyamara bikitwa kurebera abaturage.
Abaryankuna niturwanya kwizigamira,turwanya umuco wa FPR yigize bihehe rusahurira mu nduru, tukaba dusaba abanyarwanda gushirika ubwoba bagahugurukira kwirengera.
Byamukama Christian